समाचार विवरण

नेपाल सम्वतको शुभकामना

कात्तिक ३०, २०७७

नेपाल  सम्वत ११४१ को अवसरमा स्वदेश तथा विदेशमा रहनु भएका सम्पूर्ण नेपाली दिदीवहिनी तथा दाजुभाइहरुमा हार्दिक मंगलमय शुभकामना व्यक्त गर्दछु । 

नेपाल सम्वत नेपाली परम्परा र मौलिकतासंग गाँसिएको छ । शंखधर साँख्वाले गरिबको ऋणमोचन गरेको खुशीयालीमा शुरु भएको नेपाल सम्वतले सामाजिक विभेदको अन्त्य र समानताको स्थापनामा सधंै महत्व राख्छ । साँख्वाले गरेको योगदानको सम्झनाले नेपाली समाजमा परोपकारी भावना फैलाउन मद्दत गरेको छ । नेपाल सम्बतका प्रवर्तक शंखधर साँख्वालाई राष्ट्रिय विभूतिको रुपमा सम्मान दिनु महत्वपूर्ण काम हो ।

 संघीयताको व्यवहारिक कार्यान्वयन गर्दै नागरिकका अपेक्षा पूरा गर्न हामी दृढसंकल्पित छौं । मुलुकबाट अव छिटो भन्दा छिटो रोग, भोक, अशिक्षा र बेरोजगारी अन्त्य गर्दै  समृद्ध र समतामुलक समाज निर्माण गर्ने अभियानमा हामी जुटिरहेका छांै । समृद्ध प्रदेशका माध्यमवाट समृद्ध नेपाल निर्माण गर्ने महाअभियानमा यस प्रदेशका सबै राजनैतिक दल, समुदाय,संघ संस्था र आम नागरिकमा हार्दिक अपील गर्दछु ।

कोभिड—१९ को जोखिमबाट नागरिकलाई जोगाउन सरकारको प्रयासमा सबैको सार्थक सहयोगको खाँचो छ । साधन श्रोत र जनशक्तिलाई अधिकतम रुपमा परिचालन गर्दै तहगत सरकारहरुले काम गरिरहेका छन् ।  कोरोना नियन्त्रण र उपचारमा अहोरात्र खटिएका चिकित्सक सहितका स्वास्थ्यकर्मी, सुरक्षाकर्मी र अन्य सम्बद्ध सबैप्रति म यस अवसरमा उच्च सम्मान गर्दछु । कोरोना संक्रमित लगायत सबै खालका बिरामीको उपचार सहज बनाउन स्वास्थ्य पूर्वाधार विकासलाई प्राथमिकता दिदै अघि बढेका छांै ।  स्वास्थ्य सुरक्षा मापदण्ड पालना गर्दै दैनिकी अघि बढाउँदा कोरोनाबाट आफूँ जोगिन र अरुलाई पनि जोगाउन सकिन्छ ।

अन्त्यमा, नेपाल सम्बतको अवसरमा सबैमा सुख, शान्ति, समृद्धि, सुस्वास्थ्य र उत्तरोत्तर प्रगतिको हार्दिक मंगलमय शुभकामना व्यक्त गर्दछु ।

मिति २०७७ मंसिर १


शंकर पोखरेल
मुख्यमन्त्री

शंकर पोखरेल

मुख्यमन्त्री

मंसिर ३, २०७७

सम्बन्धित

छठ पर्वको शुभकामना

मंसिर ५, २०७७

तिहार पर्वका शुभकामना

कात्तिक २८, २०७७

बडा दशैंको शुभकामना

कात्तिक ८, २०७७

CCMC बैठक २०७७/०७/०५ का निर्णयहरु

कात्तिक ५, २०७७